ನಕ್ಷತ್ರಗಳು ಜೋಡಿಸಲ್ಪಟ್ಟಿವೆ. ನಿಮ್ಮಂತೆಯೇ ಇರುವ ಪುಟ್ಟ ಮಗುವನ್ನು ಪಡೆಯಲು ಇದು ಸರಿಯಾದ ಸಮಯ ಎಂದು ನೀವು ಅಂತಿಮವಾಗಿ ಭಾವಿಸುತ್ತೀರಿ. ಆದರೆ ದಿನಗಳು ಕಳೆದಂತೆ, ನಿಮ್ಮ ಸುತ್ತಮುತ್ತಲಿನವರೆಲ್ಲರೂ ಕುಟುಂಬವನ್ನು ಪ್ರಾರಂಭಿಸುತ್ತಿದ್ದು, ನಿಮಗೆ ಸಾಧ್ಯವಾಗದಾದಾಗ ನೀವು ನಿಮ್ಮ ತಾಳ್ಮೆಯನ್ನು ಕಳೆದುಕೊಳ್ಳುತ್ತೀರಿ.

ಇದಕ್ಕೆ ನಿಮ್ಮದೇಹದ ಹೆಚ್ಚುವರಿ ತೂಕವೇ ಕಾರಣವಾಗಿರಬಹುದೇ? ಈ ಲೇಖನದಲ್ಲಿ, ತೂಕ ಮತ್ತು ಫರ್ಟಿಲಿಟಿಯ ನಡುವಿನ ಸಂಪರ್ಕವನ್ನು ನಾವು ತಿಳಿಸುತ್ತೇವೆ.

ಸ್ಥೂಲಕಾಯ ಅಥವಾ ಬೊಜ್ಜು ಎಂದರೆ ಅದು ವ್ಯಕ್ತಿಯೊಬ್ಬ ದೇಹದಲ್ಲಿ ಕೊಬ್ಬಿನಂಶವನ್ನು ಹೊಂದಿರುವ ಒಂದು ಅಸ್ವಸ್ಥತೆಯಾಗಿದೆ. ಇದು ಹೃದಯ ಕಾಯಿಲೆಗಳು, ಅಧಿಕ ರಕ್ತದೊತ್ತಡ, ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ ಮತ್ತು ಫರ್ಟಿಲಿಟಿಗೆ ಹಾನಿ ಮಾಡುತ್ತದೆ. ಗರ್ಭಧಾರಣೆಗೆ ಪ್ರಯತ್ನಿಸುತ್ತಿರುವ ದಂಪತಿಗಳಲ್ಲಿ ಒಬ್ಬರು ಸ್ಥೂಲಕಾಯ ಹೊಂದಿದ್ದರೂ ಅವರು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.

ಒಬ್ಬ ವ್ಯಕ್ತಿಯು ವ್ಯಾಯಾಮ ಮತ್ತು ದೈಹಿಕ ಚಟುವಟಿಕೆಗಳ ಮೂಲಕ ಕರಗಿಸುವುದಕ್ಕಿಂತ ಹೆಚ್ಚಿನ ಕ್ಯಾಲೊರಿಗಳನ್ನು ಸೇವಿಸಿದಾಗ, ದೇಹವು ಹೆಚ್ಚುವರಿ ಕ್ಯಾಲೊರಿಗಳನ್ನು ಕೊಬ್ಬಿನಂತೆ ಸಂಗ್ರಹಿಸುತ್ತದೆ. ಸ್ಥೂಲಕಾಯತೆಯ ಸಾಮಾನ್ಯ ಕಾರಣಗಳಲ್ಲಿ ಈ ಕೆಳಗಿನವು ಸೇರಿವೆ:

• ಅನಾರೋಗ್ಯಕರ ಆಹಾರಕ್ರಮ: ಹಣ್ಣುಗಳು ಮತ್ತು ತರಕಾರಿಗಳನ್ನು ಹೊಂದಿರದ ಆಹಾರಕ್ರಮವು ಹೆಚ್ಚಿನ ಕ್ಯಾಲೋರಿಗಳನ್ನು ಹೊಂದಿರುತ್ತದೆ. ಇದು ಫಾಸ್ಟ್‌ಫುಡ್‍ ಪದಾರ್ಥಗಳಿಂದ ಕೂಡಿರುತ್ತದೆ. ಆಹಾರ ಪದಾರ್ಥಗಳು, ದೊಡ್ಡ ಪ್ರಮಾಣದ ಭಾಗಗಳನ್ನು ಹೊಂದಿರುತ್ತದೆ ಮತ್ತು ಬೆಳಗಿನ ಉಪಾಹಾರವನ್ನು ಒಳಗೊಂಡಿರುವುದಿಲ್ಲ, ಇದು ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ.

• ನಿಷ್ಕ್ರಿಯತೆ: ನೀವು ತೆಗೆದುಕೊಳ್ಳುವಷ್ಟು ಕ್ಯಾಲೊರಿಯನ್ನು ನೀವು ಬರ್ನ್ ಮಾಡದಿದ್ದರೆ ಮತ್ತು ಹೆಚ್ಚು ಸಕ್ರಿಯವಾಗಿಲ್ಲದಿದ್ದರೆ, ನಿಮ್ಮ ದೇಹದ ತೂಕ ಹೆಚ್ಚಾಗುತ್ತದೆ.

• ಗರ್ಭಾವಸ್ಥೆ: ಗರ್ಭಾವಸ್ಥೆಯಲ್ಲಿ ಮಹಿಳೆಯರ ತೂಕ ಹೆಚ್ಚುತ್ತದೆ ಅಥವಾ ಮಗುವಿನ ಜನನದ ನಂತರ ಹೆಚ್ಚುವರಿ ತೂಕವನ್ನು ಕಳೆದುಕೊಳ್ಳಲು ಕಷ್ಟಪಡುತ್ತಾರೆ.

• ಔಷಧಿಗಳು: ಖಿನ್ನತೆ-ಶಮನಕಾರಿಗಳು, ಮಧುಮೇಹ ಔಷಧಿಗಳು, ಆ್ಯಂಟಿಸೀಜರ್ ಔಷಧಗಳು ಮತ್ತು ಬೀಟಾ-ಬ್ಲಾಕರ್‌ಗಳಂತಹ ಕೆಲವು ಔಷಧಿಗಳು ತೂಕವನ್ನು ಹೆಚ್ಚಿಸುತ್ತವೆ.

ತೂಕದ ಅಳತೆಯು ನಿಮ್ಮ ಎತ್ತರದ ವರ್ಗದಿಂದ ನಿಮ್ಮ ತೂಕವನ್ನು ಭಾಗಿಸುವ ಮೂಲಕ ನಿಮ್ಮ ಬಿಎಂಐ (ಬಾಡಿ ಮಾಸ್ ಇಂಡೆಕ್ಸ್) ಅನ್ನು ಲೆಕ್ಕಾಚಾರ ಮಾಡುತ್ತದೆ. ಆರೋಗ್ಯಕರ ತೂಕವು 18.5 ರಿಂದ 24.9 ಬಿಎಂಐ ನಡುವೆ ಇರುತ್ತದೆ; 25-29.9 ಬಿಎಂಐ ಅನ್ನು ಅಧಿಕ ತೂಕ ಎಂದು ಪರಿಗಣಿಸಲಾಗುತ್ತದೆ ಮತ್ತು 30 ಬಿಎಂಐ ಅಥವಾ ಹೆಚ್ಚಿನದು ಬೊಜ್ಜು ಮೈ.

• ಸ್ಥೂಲಕಾಯವು ಮಹಿಳೆಯ ಪರಿಕಲ್ಪನೆ ಮತ್ತು ಆರೋಗ್ಯಕರ ಮಗುವನ್ನು ಹೊಂದುವುದರ ಮೇಲೆ ಪರಿಣಾಮ ಬೀರಬಹುದು. ಹಾರ್ಮೋನುಗಳ ಸಮತೋಲನವು ಋತುಆವರ್ತನವನ್ನು ನಿಯಂತ್ರಿಸುತ್ತದೆ. ಅಧಿಕ ತೂಕ ಮತ್ತು ಸ್ಥೂಲಕಾಯದ ಮಹಿಳೆಯರು ಕೊಬ್ಬಿನ ಅಂಗಾಂಶದಲ್ಲಿ ಉತ್ಪತ್ತಿಯಾಗುವ ಹಾರ್ಮೋನ್ ಲೆಪ್ಟಿನ್‍ನ ಹೆಚ್ಚಿನ ಪ್ರಮಾಣದಲ್ಲಿ ಹೊಂದಿರುತ್ತಾರೆ. ಇದು ಹಾರ್ಮೋನ್ ಸಮತೋಲನವನ್ನು ಅಡ್ಡಿಪಡಿಸುತ್ತದೆ ಮತ್ತು ಕಡಿಮೆ ಫರ್ಟಿಲಿಟಿಗೆ ಕಾರಣವಾಗಬಹುದು.

• ದೇಹದ ಕೊಬ್ಬು ಹಲವಾರು ಹಾರ್ಮೋನ್ ಕಾರ್ಯವಿಧಾನಗಳ ಮೂಲಕ ಋತು ಆವರ್ತನದ ಮೇಲೆ ಪರಿಣಾಮ ಬೀರುತ್ತದೆ. ಹೆಚ್ಚು ತೂಕ ಮತ್ತು ಹೆಚ್ಚು ಹೊಟ್ಟೆಯ ಕೊಬ್ಬು ಇದ್ದರೆ ಫರ್ಟಿಲಿಟಿಯ ತೊಂದರೆಗಳ ಅಪಾಯ ಹೆಚ್ಚು.

• ಅಧಿಕ ತೂಕ ಅಥವಾ ಕಿಬ್ಬೊಟ್ಟೆಯ ಕೊಬ್ಬು ಇನ್ಸುಲಿನ್ ಪ್ರತಿರೋಧಕ್ಕೆ ಸಂಬಂಧಿಸಿದೆ ಮತ್ತು ಸೆಕ್ಸ್ ಹಾರ್ಮೋನ್-ಬೈಂಡಿಂಗ್ ಗ್ಲೋಬ್ಯುಲಿನ್ (ಎಸ್‍ಎಚ್‍ಬಿಜಿ) ಅನ್ನು ಕಡಿಮೆ ಮಾಡುತ್ತದೆ. ಇದು ಲೈಂಗಿಕ ಹಾರ್ಮೋನುಗಳ ಆಂಡ್ರೊಜೆನ್ ಮತ್ತು ಎಸ್ಟ್ರೊಜೆನ್ ನಿಯಂತ್ರಣ ಮಾಡುವ ಪ್ರೋಟೀನ್ ಆಗಿರುತ್ತದೆ.

• ಇದು ಅನಿಗದಿತ ಋತು ಆವರ್ತನದ ಅಪಾಯವನ್ನು ಹೆಚ್ಚಿಸುತ್ತದೆ, ಇದು ಫರ್ಟಿಲಿಟಿಯನ್ನು ಕಡಿಮೆ ಮಾಡುತ್ತದೆ.

• ಅಧಿಕ ತೂಕದಿಂದ ಪ್ರಚೋದಿಸಲ್ಪಟ್ಟ ಉತ್ತಮವಾದ ಹಾರ್ಮೋನ್ ಸಮತೋಲನದಲ್ಲಿನ ಬದಲಾವಣೆಗಳು ಋತುಆವರ್ತನವನ್ನು ನಿಯಂತ್ರಿಸುತ್ತವೆ. ಸ್ಥೂಲಕಾಯತೆಯು ಅಂಡೋತ್ಪತ್ತಿಯಾಗದ ಅಪಾಯವನ್ನು ಹೆಚ್ಚಿಸುತ್ತದೆ. 27 ಕ್ಕಿಂತ ಹೆಚ್ಚಿನ ಬಾಡಿ ಮಾಸ್ ಇಂಡೆಕ್ಸ್ (ಬಿಎಂಐ) ಹೊಂದಿರುವ ಮಹಿಳೆಯರು ಸಾಮಾನ್ಯ ತೂಕದ ವ್ಯಾಪ್ತಿಯಲ್ಲಿರುವ ಮಹಿಳೆಯರಿಗಿಂತ ಮೂರು ಪಟ್ಟು ಕಡಿಮೆ ಗರ್ಭಧಾರಣೆಯ ಸಾಧ್ಯತೆಯನ್ನು ಹೊಂದಿರುತ್ತಾರೆ.

• ಹೆಚ್ಚಿನ ತೂಕವನ್ನು ಹೊಂದಿರುವ ಅನೇಕ ಮಹಿಳೆಯರು ಇನ್ನೂ ಅಂಡೋತ್ಪತ್ತಿ ಮಾಡುತ್ತಾರೆ, ಆದರೆ ಅವರು ಉತ್ಪಾದಿಸುವ ಅಂಡಾಣುಗಳ ಗುಣಮಟ್ಟ ಕಡಿಮೆಯಾಗಿರುತ್ತದೆ. ಅಂಡೋತ್ಪತ್ತಿ ಮಾಡುವ ಮಹಿಳೆಯರಿಗೆ, 29 ಕ್ಕಿಂತ ಹೆಚ್ಚಿನ ಬಿಎಂಐಯು 12 ತಿಂಗಳೊಳಗೆ ಗರ್ಭಧಾರಣೆಯನ್ನು ಸಾಧಿಸುವ ಸಾಧ್ಯತೆಯನ್ನು ಸುಮಾರು 4% ರಷ್ಟು ಕಡಿಮೆ ಮಾಡುತ್ತದೆ.

ಒಬ್ಬ ಮಹಿಳೆ 35 ಬಿಎಂಐ ಹೊಂದಿದ್ದರೆ, ಆಕೆಗೆ ಒಂದು ವರ್ಷದೊಳಗೆ ಗರ್ಭಿಣಿಯಾಗುವ ಸಾಧ್ಯತೆ ಶೇ. 26ರಷ್ಟು ಕಡಿಮೆಯಿರುತ್ತದೆ. ಮತ್ತು 40 ಬಿಎಂಐ ಹೊಂದಿರುವ ಮಹಿಳೆಗೆ, ಇದು 21 ಮತ್ತು 29 ರ ನಡುವಿನ ಬಿಎಂಐ ಹೊಂದಿರುವ ಮಹಿಳೆಯರಿಗಿಂತ ಶೇ. 43ರಷ್ಟು ಕಡಿಮೆಯಾಗಿರುತ್ತದೆ.

ಮತ್ತು ದಂಪತಿಗಳು ಗರ್ಭಧಾರಣೆಯಾಗಲು ಐವಿಎಫ್ ಬಳಸಿದಾಗ, ಸಾಮಾನ್ಯ ಬಿಎಂಐ ಹೊಂದಿರುವ ಮಹಿಳೆಯರಿಗಿಂತ ಅಧಿಕ ತೂಕ ಅಥವಾ ಬೊಜ್ಜು ಹೊಂದಿರುವ ಮಹಿಳೆಯರಿಗೆ ನೇರ ಜನನದ ಅವಕಾಶ ಕಡಿಮೆಯಿರುತ್ತದೆ. ಸರಾಸರಿಯಾಗಿ, ಆರೋಗ್ಯಕರ ತೂಕದ ಶ್ರೇಣಿಯಲ್ಲಿರುವ ಮಹಿಳೆಯರಿಗೆ ಹೋಲಿಸಿದರೆ, ಐವಿಎಫ್‍ನೊಂದಿಗೆ ನೇರ ಜನನದ ಅವಕಾಶವು ಅಧಿಕ ತೂಕ ಹೊಂದಿರುವ ಮಹಿಳೆಯರಲ್ಲಿ ಶೇ. 9ರಷ್ಟು ಮತ್ತು ಬೊಜ್ಜು ಹೊಂದಿರುವ ಮಹಿಳೆಯರಲ್ಲಿ ಶೇ. 20ರಷ್ಟು ಕಡಿಮೆಯಾಗಿರುತ್ತದೆ.

• ಗರ್ಭಪಾತ.

• ಗರ್ಭಾವಸ್ಥೆಯಿಂದ ಉಂಟಾಗುವ ಅಧಿಕ ರಕ್ತದೊತ್ತಡ.

• ಗರ್ಭಾವಸ್ಥೆಯ ಮಧುಮೇಹ.

• ಜನ್ಮ ದೋಷಗಳು.

ಪುರುಷರಿಗೆ, ಸ್ಥೂಲಕಾಯತೆಯು ದುರ್ಬಲಗೊಂಡ ವೀರ್ಯ ಗುಣಮಟ್ಟ, ಕಡಿಮೆಯಾದ ಕಾಮಾಸಕ್ತಿ ಮತ್ತು ನಿಮಿರುವಿಕೆಯ ಕಾರ್ಯಲೋಪ ಕ್ರಿಯೆಗೆ ಕಾರಣವಾಗುತ್ತದೆ. ಪುರುಷರಲ್ಲಿ ಸ್ಥೂಲಕಾಯತೆಯು ಗರ್ಭಧಾರಣೆಯನ್ನು ಕಠಿಣವಾಗಿಸುತ್ತದೆ ಮತ್ತು ಜನನಕ್ಕೆ ಮುನ್ನ ಮತ್ತು ನಂತರ ಹಲವಾರು ಆರೋಗ್ಯ ಅಪಾಯಗಳಿಗೆ ಶಿಶುವನ್ನು ಗುರಿಮಾಡುತ್ತದೆ.

ಮನುಷ್ಯನ ತೂಕವು ಗರ್ಭಧಾರಣೆ ಮೇಲೆ ಪರಿಣಾಮ ಬೀರಬಹುದು. ಅಧಿಕ ತೂಕ ಅಥವಾ ಬೊಜ್ಜು ಮೈಗಳು ವೀರ್ಯದ ಆರೋಗ್ಯ, ಗುಣಮಟ್ಟ, ಲೈಂಗಿಕ ಕ್ರಿಯೆ, ಹಾರ್ಮೋನ್ ಸಮಸ್ಯೆಗಳು, ಲೈಂಗಿಕ ಕಾರ್ಯಲೋಪ, ಟೈಪ್ 2 ಡಯಾಬಿಟಿಸ್ ಮತ್ತು ಸ್ಲೀಪ್ ಅಪ್ನಿಯ ಮೇಲೆ ಪರಿಣಾಮ ಬೀರುತ್ತವೆ. ಕಡಿಮೆ ಟೆಸ್ಟೋಸ್ಟೆರಾನ್ ಮಟ್ಟಗಳು ಮತ್ತು ನಿಮಿರುವಿಕೆಯ ಕಾರ್ಯಲೋಪಗಳೊಂದಿಗೆ ಸ್ಲೀಪ್ ಅಪ್ನಿಯ ಸಹಯೋಗ ಹೊಂದಿದೆ.

ಒಬ್ಬ ವ್ಯಕ್ತಿಯು 10 ಕಿಲೋಗಳಷ್ಟು ಹೆಚ್ಚು ತೂಕ ಹೊಂದಿದ್ದರೆ ಅದು ಪುರುಷ ಫರ್ಟಿಲಿಟಿಯನ್ನು ಶೇ. 10ರಷ್ಟು ಕಡಿಮೆ ಮಾಡುತ್ತದೆ. ಸಂತಾನೋತ್ಪತ್ತಿ ಭಾಗದಲ್ಲಿ ತಂದೆಯ ಸ್ಥೂಲಕಾಯದ ಪರಿಣಾಮಗಳನ್ನು ತೋರಿಸುವ ಅಧ್ಯಯನಗಳು ಸ್ಥೂಲಕಾಯದ ಪುರುಷರು ಸಂತಾನೋತ್ಪತ್ತಿ ಸಮಸ್ಯೆ ಅನುಭವಿಸುವ ಸಾಧ್ಯತೆ ಹೆಚ್ಚು ಮತ್ತು ಅವರು ಮತ್ತು ಅವರ ಪಾಲುದಾರರು ನೆರವಿನ ಸಂತಾನೋತ್ಪತ್ತಿ ತಂತ್ರಜ್ಞಾನ (ಎಆರ್‍ಟಿ) ಐವಿಎಫ್‍ಅನ್ನು ಬಳಸಿದರೆ ನೇರ ಜನನವನ್ನು ಹೊಂದುವ ಸಾಧ್ಯತೆ ಕಡಿಮೆ ಎಂದು ಕಂಡುಹಿಡಿದಿವೆ.

ಏಕೆಂದರೆ ಸ್ಥೂಲಕಾಯತೆಯು ವೀರ್ಯದ ಗುಣಮಟ್ಟವನ್ನು ಕಡಿಮೆ ಮಾಡುವುದಲ್ಲದೆ ವೀರ್ಯ ಕೋಶಗಳ ಭೌತಿಕ ಮತ್ತು ಮಾಲಿಕ್ಯುಲರ್ ರಚನೆಯನ್ನು ಬದಲಾಯಿಸುತ್ತದೆ.

• ನಿಮಿರುವಿಕೆಯ ಕಾರ್ಯಲೋಪ

• ಟೆಸ್ಟೋಸ್ಟೆರಾನ್ ಕಡಿಮೆಯಾಗುವುದು

• ವೀರ್ಯ ಉತ್ಪಾದನೆ

ಒಳ್ಳೆಯ ಸುದ್ದಿ

ಸ್ಥೂಲಕಾಯತೆ ಮತ್ತು ಫರ್ಟಿಲಿಟಿಯ ಬಗ್ಗೆ ಸತ್ಯಗಳು ಬೆದರಿಸುವ ಮತ್ತು ಕಾಡುವಂತಿದ್ದರೂ, ಕೆಲವು ಒಳ್ಳೆಯ ಸುದ್ದಿಯೂ ಇದೆ. ಆಹಾರ ಮತ್ತು ವ್ಯಾಯಾಮ ಸೇರಿದಂತೆ ತೂಕ ಕಡಿಮೆ ಮಾಡಿಕೊಳ್ಳುವುದರಿಂದ ಋತು ಆವರ್ತನದ ಕ್ರಮಬದ್ಧತೆಯನ್ನು ಉತ್ತೇಜಿಸಬಹುದು ಮತ್ತು ಗರ್ಭಧಾರಣೆಯ ಸಾಧ್ಯತೆಗಳನ್ನು ಸುಧಾರಿಸಬಹುದು. ಅನೋವ್ಯುಲೇಟರಿ(ಅಂಡೋತ್ಪತ್ತಿಯಾಗದ) ಬಂಜೆತನ ಹೊಂದಿರುವ ಸ್ಥೂಲಕಾಯದ ಮಹಿಳೆಯರಲ್ಲಿ, ಶೇ. 5-10ರಷ್ಟು ಸಾಧಾರಣ ತೂಕ ಇಳಿಕೆಯು ಫರ್ಟಿಲಿಟಿ ಮತ್ತು ಗರ್ಭಧಾರಣೆಯನ್ನು ಸುಧಾರಿಸುತ್ತದೆ. ಮಹಿಳೆಯು ಅಧಿಕ ತೂಕ ಹೊಂದಿದ್ದರೆ ಮತ್ತು ಮುಂದಿನ ವರ್ಷದಲ್ಲಿ ಗರ್ಭಿಣಿಯಾಗಲು ಯೋಜಿಸುತ್ತಿದ್ದರೆ, ಅವರು ಆರೋಗ್ಯಕರ ಆಹಾರವನ್ನು ಸೇವಿಸುವುದು ಮತ್ತು ವ್ಯಾಯಾಮವನ್ನು ಪ್ರಾರಂಭಿಸಬೇಕು. ಕೆಲವು ಕೆಜಿಗಳಷ್ಟು ತೂಕ ಕಳೆದುಕೊಳ್ಳುವುದ ಕೂಡ ವ್ಯತ್ಯಾಸ ಉಂಟು ಮಾಡಬಹುದು.

ದೇಹದ ತೂಕದ ಶೇ. 7ರಷ್ಟು ತೂಕ ಇಳಿಕೆ ಮತ್ತು ವಾರದಲ್ಲಿ ಕನಿಷ್ಠ 150 ನಿಮಿಷಗಳವರೆಗೆ ಅರೆ-ತೀವ್ರತೆಯ ದೈಹಿಕ ಚಟುವಟಿಕೆಯನ್ನು ಹೆಚ್ಚಿಸುವುದು ಅಧಿಕ ತೂಕವನ್ನು ಹೊಂದಿರುವ ಜನರ ಆರೋಗ್ಯ ಮತ್ತು ಫರ್ಟಿಲಿಟಿಯನ್ನು ಸುಧಾರಿಸುತ್ತದೆ.

ಕೊನೆಯದಾಗಿ, ಪುರುಷರು ಮತ್ತು ಮಹಿಳೆಯರು ಸಹಕರಿಸಿದರೆ ಸಕಾರಾತ್ಮಕ ಆರೋಗ್ಯ ನಡವಳಿಕೆ ಬದಲಾವಣೆಗಳನ್ನು ಮಾಡುವ ಸಾಧ್ಯತೆ ಎರಡು ಪಟ್ಟು ಹೆಚ್ಚಿರುತ್ತದೆ. ಆದ್ದರಿಂದ ನೀವು ಆಹಾರಕ್ರಮ ಮತ್ತು ವ್ಯಾಯಾಮವನ್ನು ಒಟ್ಟಿಗೆ ಅನುಸರಿಸಿದರೆ ಗರ್ಭಿಣಿಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ.

ತೂಕ ಇಳಿಸಿಕೊಳ್ಳಲು ಉತ್ತಮ ಮಾರ್ಗವೆಂದರೆ ಆರೋಗ್ಯಕರ ಆಹಾರ ಮತ್ತು ದೈಹಿಕ ಚಟುವಟಿಕೆ. ಆರೋಗ್ಯಕರ, ಪೌಷ್ಠಿಕಾಂಶದ ಆಹಾರವನ್ನು ಸೇವಿಸುವ ಮೂಲಕ ಮತ್ತು ದೈಹಿಕವಾಗಿ ಕ್ರಿಯಾಶೀಲರಾಗಿರುವ ಮೂಲಕ, ಪುರುಷರು ಮತ್ತು ಮಹಿಳೆಯರು ಗರ್ಭಧರಿಸುವ ಹೆಚ್ಚಿನ ಅವಕಾಶವೂ ಸೇರಿದಂತೆ, ಹಲವಾರು ಆರೋಗ್ಯ ಪ್ರಯೋಜನಗಳನ್ನು ಅನುಭವಿಸಬಹುದು. ಗರ್ಭಗುಡಿ ಐವಿಎಫ್‍ನಲ್ಲಿರುವ ನಮ್ಮ ಫರ್ಟಿಲಿಟಿ ವೈದ್ಯರು ನಿಮಗೆ ಮಾರ್ಗದರ್ಶನ ನೀಡಲು, ಸಲಹೆ ನೀಡಲು ಮತ್ತು ನಿಮ್ಮ ಪೋಷಕರಾಗುವ ಕನಸನ್ನು ನನಸು ಮಾಡಲು ಹಗಲಿರುಳೂ (24/7) ಜೊತೆಗಿರುತ್ತಾರೆ.