ಐವಿಎಫ್ ಚಿಕಿತ್ಸೆ ಪಡೆಯಲು ಬಯಸುವ ಮಹಿಳೆಯರು ಮೊದಲು ಅಂಡಾಶಯದ ಮೀಸಲು ಪರೀಕ್ಷೆಗೆ ಒಳಗಾಗಬೇಕಾಗುತ್ತದೆ. ಇದು ರಕ್ತದ ಮಾದರಿಯನ್ನು ತೆಗೆದುಕೊಳ್ಳುವುದು ಮತ್ತು ಕೋಶಕ-ಉತ್ತೇಜಿಸುವ ಹಾರ್ಮೋನ್ (ಎಫ್‍ಎಸ್‍ಎಚ್) ಪ್ರಮಾಣವನ್ನು ಪರೀಕ್ಷಿಸುವುದನ್ನು ಒಳಗೊಂಡಿರುತ್ತದೆ. ಈ ಪರೀಕ್ಷೆಗಳ ಫಲಿತಾಂಶವು ನಿಮ್ಮ ವೈದ್ಯರಿಗೆ ನಿಮ್ಮ ಅಂಡಾಣುಗಳ ಗಾತ್ರ ಮತ್ತು ಪ್ರಮಾಣದ ಬಗ್ಗೆ ಮಾಹಿತಿಯನ್ನು ನೀಡುತ್ತದೆ.

ಐವಿಎಫ್‍ಗೆ ರೋಗಿಯನ್ನು ಸಿದ್ಧಪಡಿಸಲು ರಕ್ತ ಪರೀಕ್ಷೆಯು ಅವಶ್ಯಕವಾಗಿದೆ, ಇದು ಯಶಸ್ವಿ ಫಲೀಕರಣ(ಫರ್ಟಿಲೈಸೇಷನ್)ದ ಸಾಧ್ಯತೆಯನ್ನು ಹೆಚ್ಚಿಸುತ್ತದೆಯಲ್ಲದೇ, ಭ್ರೂಣ ವರ್ಗಾವಣೆಯ ನಂತರ ಗರ್ಭಧಾರಣೆಯನ್ನು ಬೆಂಬಲಿಸುತ್ತದೆ. ರಕ್ತ ಪರೀಕ್ಷೆಯಿಲ್ಲದೆ, ಯಶಸ್ಸಿನ ಸಾಧ್ಯತೆ ಕಡಿಮೆ, ಮತ್ತು ಫರ್ಟಿಲಿಟಿ ತಜ್ಞರು ರೋಗಿಗಳಿಗೆ ಪೋಷಕರಾಗುವ ತಮ್ಮ ಪ್ರಯಾಣದಲ್ಲಿ ನಿಜವಾಗಿ ಸಹಾಯ ಮಾಡಲು ಆಧುನಿಕ ತಂತ್ರಗಳನ್ನು ಬಳಸಲು ಸಾಧ್ಯವಾಗುವುದಿಲ್ಲ.

ಸರಳವಾಗಿ ಹೇಳಬೇಕೆಂದರೆ, ರಕ್ತ ಪರೀಕ್ಷೆಯು ಫರ್ಟಿಲಿಟಿ ತಜ್ಞರಿಗೆ ನಿಮ್ಮ ರಕ್ತದಲ್ಲಿನ ಹಾರ್ಮೋನ್ ಮಟ್ಟಗಳ ಹೆಚ್ಚು ಉತ್ತಮ ಜ್ಞಾನವನ್ನು ನೀಡುತ್ತದೆ. ಏಕೆಂದರೆ, ಅಂಡಾಣುಗಳ ಬೆಳವಣಿಗೆ, ಅಂಡೋತ್ಪತ್ತಿ ಮತ್ತು ದೇಹದ ರಸಾಯನಶಾಸ್ತ್ರದಲ್ಲಿನ ಬದಲಾವಣೆಗಳಂತಹ ದೇಹದಲ್ಲಿನ ಕಾರ್ಯಗಳನ್ನು ಮೇಲ್ವಿಚಾರಣೆ ಮಾಡಲು ಹಾರ್ಮೋನುಗಳ ಅಗತ್ಯ ಇರುತ್ತದೆ.

ಅಲ್ಲದೆ, ಥೈರಾಯ್ಡ್ ಹಾರ್ಮೋನ್ ಪರೀಕ್ಷೆ, ಹಿಮೋಗ್ಲೋಬಿನ್ ಶ್ರೇಣಿ, ಕ್ಯಾನ್ಸರ್ ಮಾರ್ಕರ್‍ಗಳು ಯಾವುದಾದರೂ ಇದ್ದರೆ, ಅಗತ್ಯವನ್ನು ಆಧರಿಸಿ ಲಿಪಿಡ್ ಪ್ರೊಫೈಲ್ ಪರೀಕ್ಷೆ (ಸಂಪೂರ್ಣ ಕೊಲೆಸ್ಟ್ರಾಲ್ ಪರೀಕ್ಷೆ) ಮತ್ತು ನಿಮ್ಮ ರಕ್ತದಲ್ಲಿನ ಕೊಬ್ಬಿನ ಪ್ರಕಾರವಾದ ಟ್ರೈಗ್ಲಿಸರೈಡ್‍ಗಳ ಬಗ್ಗೆ ತಿಳಿಯಲು ನೀವು ರಕ್ತ ಪರೀಕ್ಷೆಯನ್ನು ತೆಗೆದುಕೊಳ್ಳುವಂತೆ ನಿಮ್ಮ ಸಲಹಾತಜ್ಞರು ಸೂಚಿಸಬಹುದು. ಆಧಾರ ಬೇಕು.

ಐವಿಎಫ್ ಚಿಕಿತ್ಸೆಯ ವಿವಿಧ ಹಂತಗಳಲ್ಲಿ ಕೆಲವು ಹಾರ್ಮೋನ್ ಮಟ್ಟವನ್ನು ಸಾಧಿಸುವುದು ಯಶಸ್ಸಿನ ಗಮನಾರ್ಹ ಸಾಧ್ಯತೆಗಳಿಗೆ ಕಾರಣವಾಗಬಹುದು.

ನಿಮ್ಮ ಹಾರ್ಮೋನ್ ಮಟ್ಟವನ್ನು ನಿಯಂತ್ರಿಸಲು ಫರ್ಟಿಲಿಟಿ ಔಷಧಿಗಳನ್ನು ಬಳಸಲಾಗುತ್ತದೆ. ಆದರೆ ರಕ್ತ ಪರೀಕ್ಷೆಯು ಯಾವ ಔಷಧಿಗಳನ್ನು ಶಿಫಾರಸು ಮಾಡಬೇಕು ಮತ್ತು ನಿಮ್ಮ ದೇಹವು ಫರ್ಟಿಲಿಟಿ ಚಿಕಿತ್ಸೆಗೆ ಹೇಗೆ ಪ್ರತಿಕ್ರಿಯಿಸುತ್ತದೆ ಎಂಬುದನ್ನು ತಿಳಿಯಲು ಮತ್ತು ನಿರ್ಧರಿಸಲು ಫರ್ಟಿಲಿಟಿ ವೈದ್ಯರಿಗೆ ಅನುವು ಮಾಡಿಕೊಡುತ್ತದೆ.

ನೀವು ಐವಿಎಫ್ ಚಿಕಿತ್ಸೆಗೆ ಹೋಗುವ ಮೊದಲು, ನಿಮ್ಮ ವ್ಯವಸ್ಥೆಯಲ್ಲಿ ಕೋಶಕ-ಉತ್ತೇಜಿಸುವ ಹಾರ್ಮೋನ್ (ಎಫ್‍ಎಸ್‍ಎಚ್) ಮಟ್ಟವನ್ನು ನಿರ್ಣಯಿಸಲು ನಿಮ್ಮ ರಕ್ತ ಪರೀಕ್ಷೆ ನಡೆಸಲಾಗುತ್ತದೆ. ಇದು ಫರ್ಟಿಲಿಟಿ ತಜ್ಞರಿಗೆ ನೀವು ಹೊಂದಿರಬಹುದಾದ ಅಂಡಾಣುಗಳÀ ಪ್ರಮಾಣ ಮತ್ತು ಸಂಖ್ಯೆಯ ಬಗ್ಗೆ ತಿಳುವಳಿಕೆಯನ್ನು ನೀಡುತ್ತದೆ. ಇದಲ್ಲದೆ, ನಡೆಸಲಾದ ರಕ್ತ ಪರೀಕ್ಷೆಯು ತಾಯಿಯ ರಕ್ತದ ಪ್ರಕಾರ ಮತ್ತು ತಂದೆಯ ಪ್ರಕಾರದ ನಡುವಿನ ಕಾರ್ಯಸಾಧ್ಯವಾದ ಅಸಾಮರಸ್ಯವನ್ನು ಮತ್ತು ಸಂಭಾವ್ಯ ಅನುವಂಶಿಕ ಅಸ್ವಸ್ಥತೆಗಳು, ವೈರಸ್‍ಳು ಮತ್ತು ರೋಗಗಳ ಹಾಜರಿಯನ್ನು ಗಮನಿಸಲು ನೆರವು ನೀಡುತ್ತದೆ.

ಆರಂಭದಲ್ಲಿ ಮಹಿಳೆಯರ ಋತುಆವರ್ತನದ ಮಾದರಿಯ 2 ನೇ ಅಥವಾ 3 ನೇ ದಿನದಂದು ರಕ್ತದ ಹಾರ್ಮೋನ್ ಪರೀಕ್ಷೆಯನ್ನು ಮಾಡಲಾಗುತ್ತದೆ.

ಭ್ರೂಣವನ್ನು ಮಹಿಳಾ ಗರ್ಭಾಶಯಕ್ಕೆ ವರ್ಗಾಯಿಸುವುದರೊಂದಿಗೆ, ಐವಿಎಫ್ ಚಿಕಿತ್ಸೆಯು ಅಂತಿಮ ಹಂತಕ್ಕೆ ಬರುತ್ತದೆ. ಅಲ್ಲಿ ಭ್ರೂಣವು ಗರ್ಭಾಶಯದ ಒಳಪದರಕ್ಕೆ ಅಂಟಿಕೊಳ್ಳುತ್ತದೆ ಮತ್ತು ನಿರೀಕ್ಷಿತವಾಗಿ ಮಹಿಳೆ ಗರ್ಭಿಣಿಯಾಗುತ್ತಾಳೆ. ನಂತರ ಮಹಿಳಾ ವ್ಯವಸ್ಥೆಯಲ್ಲಿ ಎಚ್‍ಸಿಜಿ (ಮಾನವ ಕೋರಿಯಾನಿಕ್ ಗೊನಡೋಟ್ರೋಪಿನ್) ಯನ್ನು ಅಳೆಯಲು ರಕ್ತ ಪರೀಕ್ಷೆಯನ್ನು ಮಾಡಲಾಗುತ್ತದೆ. ಎಚ್‍ಸಿಜಿ ಗರ್ಭಧಾರಣೆಯ ಹಾರ್ಮೋನ್ ಆಗಿದೆ.

ಭ್ರೂಣ ವರ್ಗಾವಣೆಯ ನಂತರ 11 ಅಥವಾ 12 ದಿನಗಳ ನಂತರ, ಗರ್ಭಧಾರಣೆಯನ್ನು ಖಚಿತಪಡಿಸಲು ರಕ್ತ ಪರೀಕ್ಷೆಯನ್ನು ನಡೆಸಲಾಗುತ್ತದೆ.